Gian Rupf (direcziun dal festival / program) 
Grischun ed actur e cineast documentar, creschì si a Landquart. En la citad ed en muntogna cumpara el cun il ‘bergtheater’. El lavura sco pledader tar SRF, el è la vusch da “kulturplatz”. Or da la muntogna dad ideas creescha el in program dal festival cun conturas fermas

Rob Neuhaus (co-direcziun dal festival e communicaziun) 
e stà ina giada pastur d’alp ed ü ussa redactur da PR. Sco in da la bassa cun ragischs grischunas viva el cun la brama per las muntognas. Sco fan da litteratura, da film, da musica e da velo enconuscha el las autezzas e las profunditads da la cultura alpina. 

Urs Dieterle (direcziun da producziun) 
e ina persuna activa, organisatur da cultura, mastergnant, tecnicist, furnitur dad ideas. Il scolast da biologia e chemia pensiunà (Scola evangelica Aschera) enconuscha tut ils detagls e las colliaziuns dal festival. El examinescha profundamain ils contracts cun artistas ed artists e procura sco manader da producziun per in decurs senza incaps.  

La Aline Liesch (secretariat) 
e il center da la rait dal festival. Ella procura per ina infurmaziun cumpletta, controllescha ils termins e fa tut las lavurs da secretariat. Che la magistra diplomada ha gugent tabellas e glistas vegn fermamain dabun a sia lavur. Aline è creschida si a Bravuogn. Ultra da quai suna ella clarinetta e corn en es ed è presidenta da la societad da musica da Bravuogn. 

Christian (Hitsch) Brosi (fundraising) 
E stà set onns incumbensà da la cultura dal chantun Grischun e ventg onns directur da la Scola media evangelica Aschera. Cun ses scharm e sia perseveranza e ses numerus contacts gida el a segirar la finanziaziun dal festival. Tar basegns gida el ewra sco mastergnant.

La Madlaina Fliri, fundraising a coordinazioñ a Brauegn
Ella ò rigschs profuendas se Latsch, anoua ch’ella vegva era, cugl ses om agls ses catter umfants. Amprandi ò’la a fer da marañguña, fiz capabla. Eñ że l’evna regsgi’la se, tla Florinett SA, leñ da resonanza par fuenzs da ghitarras a gejas. Scu chatschedra as señt’la da chesa surtot er or igl leber a cagnuescha beñ igls indigens agls noss partenaris dla Val d’Alvra.

La Adele Salerno, organisazioñ a Brauegn
Ella ò lavuro ve digl spurtegl digl Turissem Brauegn Falisogr/dla Viafier retica, sella chamonna digl Kesch, a so er fiz beñ che chi capeta eñt la regioñ. Las chombras d’hotels a las abitazioñs da vacanzas pagl prossem «Festival vers igls ots» ò’la schon reservo. Sgigr ans pudaro’la darvrégr bglieras portas, pitschnas a grondas.

La Pia Hofer, organisazioñ a Brauegn
Ella vegva par l’organisazioñ. Scu assistenta da gestioñ a suppleanta dla direczioñ digl Kurhaus Brauegn as señt’la profuendameñz da chesa an gastronomia ad hotellaria. Fiz capabla da collier igls differents interess, ans raprescheñt’la an vischnancha. Cun paschioñ pegli’la par mañs impegns da tot gener, surtot er par amegldrer, anoua chi fo dabseñs, structuras agls differents percuors.

Patrunadi

La vischnanca politica da Bravuogn Filisur dat alloschi al Bergfahrt Festival. Sco vischnanca ospitanta sustegna Bravuogn dal tuttafatg il patratg da sviluppar in project persistent en il sectur da la cultura alpina.

Stefan Engler da la Val d'Alvra è bab da famiglia, chatschader ed alpinist. El lavura sco advocat e cusseglier dals chantuns (Allianza dal Center) e sustegna l'idea e la realisaziun dal Bergfahrt Festival sco president da patrunadi.